24 қыркүйек күні колледжімізде Дүниежүзілік туризм күніне орай жарқын спорттық-туристік іс-шара өтті. Іс-шара Қарға аралында (Вороний остров) ұйымдастырылды.

Туризм — бұл тек саяхат пен жаңалық ашу ғана емес. Бұл — қиындықтарды жеңе білу, бейтаныс жағдайда бағдар таба алу, бір-біріне көмектесу және командамен жұмыс істеу қабілеті. Бүгінгі қатысушыларымыз дәл осы қасиеттерін көрсете білді. Іс-шара бағдарламасында қатысушылар өздерінің күшін, ептілігін, жылдамдығы мен төзімділігін сынайтын 5 спорттық кезең болды.

Одан кейін командаларды нағыз туристік сынақтар күтіп тұрды:

«Жорық алауы»
«Туристік түйіндерді түю»
«Апат сигналдары»
«Туристік шифр»
«Жарма марафоны»

Әрбір станция тек білім мен физикалық дағдыны ғана емес, сонымен қатар бүкіл команданың үйлесімді жұмысын талап етті. Кей жерде жылдамдық пен ептілік маңызды болса, кей жерде логика, тапқырлық пен зейін қажет болды.
Қатысушылардың бір-біріне қолдау көрсетіп, шешімдерді бірге іздеп, барлық сынақтан құлшыныспен өткенін көру өте қуанышты болды.

1-орын — 109-топ командасы, 2-орын — 107-топ командасы.

Барлық қатысушыларға белсенділіктері, спорттық құлшыныстары мен тамаша көңіл-күйлері үшін алғыс айтамыз!

Туристік мерекені дайындап, өткізген оқытушылар мен іс-шараны ұйымдастырушыларға ерекше алғыс білдіреміз.

Алдарыңызда әлі талай қызықты бағыттар, жарқын саяхаттар мен жаңа жаңалықтар көп болсын!

Дүниежүзілік туризм күні құтты болсын!